'TWR Albania' është partneri Shqiptar i TWR (Trans World Radio), networkut më të madh mediatik të krishterë në botë. TWR prodhon dhe transmeton programe në mbi 225 gjuhë dhe dialekte te botës.

'TWR Albania' përfaqëson kisha dhe denominacione të ndryshme. Duke besuar në fuqinë e radios për të ndryshuar kombin tonë, bordi i fondacionit dhe stafi janë të përkushtuar të sjellin programe radiofonike cilësore dhe të punojnë në mënyra të ndryshme për të prezantuar Ungjillin para çdo Shqiptari, brenda dhe jashtë kufijve tokësorë.

Sot 'TWR Albania' prodhon programe për burra, për gra në shqip dhe në gjuhën rome, programe për adoleshentë, programe për misionarë, drejtues dhe fëmijë.